閃婚？邊個夠我閃？
調查發現，內地100對新人當中，有3成人相識不到半年便結婚；而近年香港「閃婚」的情況亦有上升趨勢，有婚禮顧問表示，由今年初至8月，已為約60對新人舉辦婚禮，當中超過4成新人拍拖半年內便結婚，較去年同期上升25％。近年經濟良好間接促成「閃婚」潮流，現今女士們都經濟獨立，投放更多時間於工作上以爭取表現，當到適婚年齡，而又遇上合適的男士，即使相識不久，都已經會考慮結婚。但大家有否想過最閃可以有幾閃？最閃可以係撳罐汽水嘅時間就結咗婚！唔信？有片為證。呢部「結婚自動販賣機（AutoWed）」，只要投入1英鎊（折合約13港元），輸入雙方名字，就會給你一張結婚證書跟一對結婚戒指，雖然戒指似扭蛋，係兒嬉咗啲，但勝在特別。最盞鬼係如果你反悔想離婚，只要持結婚收據返嚟呢部機，仲會畀個9折你！不過要留意呢部機係無法律效力，用嚟做彩排就得，想認認真真結婚，都係去婚姻註冊處罷啦！
Search